Monday, May 12, 2014

සුදු බණ්ඩයි කලු බණ්ඩයි

එගොඩ පැලේ පැල් රකිනා
කලුයි උසයි කලු බණ්ඩා
මිනිහා
කලු බණ්ඩා
මෙගොඩ පැලේ පැල් රකිනා
සුදුයි මිටියි සුදු බණ්ඩා
මිනිහා
සුදු බණ්ඩා 

                                                           කලු බණ්ඩා  හරි නපුරුයි
                                                           සුදු බණ්ඩා හරිම හොදයි
                                                                     මේ දෙන්නා හරි කපටියි
                                                                     දෙන්නට දෙන්නා තරහයි

                                       දවසක්දා
                                    මේ දෙන්නා
                                     මුණගැහිලා
                                     අම්බලමේ
                                     හරිම ජරමරේ

සුදු බණ්ඩාගේ ගොන් වස්සා
කලු බණ්ඩාගේ ගොයම් කාලා
ගොන් වස්සා
ගොයම් කාලා

                                                                         කලු බණ්ඩා බණිනවාලු
                                                                          සුදු බණ්ඩට බනිනවාලු   

ඔහේගේ අර ගොන් වස්සා
මගේ හේනට කඩන් ඇවිත්
හේන වැනසුවා
අයියෝ
හේන වැනසුවා
                                                                    කලු බණ්ඩෝ මේ අහපන්
                                                                     මං නොදැනයි ඕක වුණේ
                                                                     ඊයේ ඉදලා හොයනව මං
                                                                     ගොන් වස්සා ඔහේ නෑ බං 
උඹෙ නාඹර ගොන් වස්සා
මගේ හේනම පාලු කරා
ඒ වාඩුව මං ගත්තා
පොඩි නානාට ඌ වික්කා 
                                                                  කලු බණ්ඩෝ කලු බණ්ඩෝ
                                                               මොකක්ද බොල මේ කෙරුවේ
                                                                    මගේ හදයා මස් කෙරුවද
                                                                    අනේ අපොයි මගේ හදයා 

සුදු බණ්ඩෝ මේ අහපන්
ගිය දේ දැන් ගියා නොවැදැ
මින් මතුවට බලා ගනින්
උඹේ සතුන් හොද හැටියට
                                                                     බලා ගන්නා හැටි කියන්න
                                                                      උඹ කවුරුද කලුවෝ මට
                                                                       සුදු බණ්ඩට තරහ ගිහින්
                                                                       කලු බණ්ඩට බනිනවාලු 


අනේ රාලේ සමාවෙයන්
මින් මතුවට ඔය පව්වැඩ
මේ කලුවා කරන්නේ නෑ
සත්තයි කරන්නේ නෑ

කලු බණ්ඩා බය වුනාලු
සුදු බණ්ඩාට බය වුනාලු 
                                                                        මටත් මලේ සමාවෙයන්
                                                                        මගේ වස්සා බොටත්
                                                                       බොහොම පාඩු කලා
                                                                        සුදු බණ්ඩා වදිනවාලු 
සුදු බණ්ඩේ අපි දෙන්නා
අපේ පාඩු විද ගත්තා
හනික යමන් ගෙදර බලා
ඉර දෙවියෝ මුදුන්  වෙලා  
                                                                     
            
                                                      

8 comments:

  1. නියමයි වෙනස්ම දෙයක්
    ජයවේවා!!!!

    ReplyDelete
  2. බ්ලොග් එක අපේ සින්ඩියටත් දාන්න. පහත ලින්ක් එකෙන් අපේ බ්ලොග් දර්ශකයට පිවිසෙන්න.

    http://blogdharshakaya.blogspot.com/

    ReplyDelete
  3. මරුනේ.. මෙහෙම කවි කතාවක් කියෙවුවා මතකයි මම හුඟක් කාලෙකට කලියෙන්.. ලස්සනයි..

    ReplyDelete
  4. වෙනස් විදියෙ දෙයක් කාලෙකට පස්සෙ කියෙව්වා. නියමයි! හතර රියන් හා දෙරියන් මතක් උනා.

    ReplyDelete
  5. අළුත් වෙනස නියමයි. ඇත්තටම ලස්සනයි පද ටික.

    //කලුයි උසයි කලු බණ්ඩා// පෙනුම මම වගේ ඩයල් එකක්. :)

    ReplyDelete
  6. අර මං ලියපු හාන්ස්ගේ කතාව මතක් උනා

    තඩි කළුවයි පොඩි කළුවයි

    ReplyDelete
  7. හොඳ ලිපියක් .එන්න අපේ අඩවියට
    මෙය ඇඩ් එකකි.
    http://premalathaa.blogspot.com/

    ReplyDelete